06/08/2020

Moje Dijete

Časopis za roditelje

Američke palačinke sa malinama

Evo jednog recepta za palačinke koje će vaši mališani (a bogami i veliki) obožavati. Ako još uvijek niste pronašli odgovarajući recept za ovu vrstu palačinki, probajte ovaj, meni je savršen. U standardno tijesto sam dodala maline i malo vanilinog šećera, tako su još ukusnije, ali naravno može i bez njih i tada su savršene 😉
Sastojci:
šolja brašna
šolja mlijeka (može i pola šolje jogurta pola mlijeka)
jedno jaje
kašičica praška za pecivo
kašičica otopljenog maslaca
šaka malina i malo vanilin šećera.
Umutiti brašno, mlijeko i žumance, dodati prašak za pecivo i otopljen masalac, pa dodati maline i vanilin šećer. Posebno umutiti bjelance i dodati u smjesu i blago kašikom promiješati, kako bi se zadržala pjena a palačinke bile vazdušaste. Peći ih u tiganju za palačinke, možete ga predhodno premazati maslacem a i ne mora. Ja odjednom u tiganju pečem četiri palačinkice (biće prikazano na slici), budu manje, takve su mi ljepše, a i mnogo brže se ispeku. Za jednu palačinku istresem dvije supene kašike smjese, a okreću se na drugu stranu kada počnu mjehurići da se stvaraju. Svaku palačinku premazati sa malo maslaca. Poslužiti sa čim god želite (miks šumsko voće, tečna čokolada, eurokrem, razni džemovi). Meni su definitivno najbolje sa javorovim sirupom, a u ovoj kombinaciji je, pored javorovog sirupa, dodat i domaći džem od malina i pekmez od jabuka.
Upozorenje: Ovo je količina samo za mamu i malo dijete, pa uduplajte količinu ako je za više ukućana 😁😁

Društvene mreže